Претседателката на американскиот Претставнички дом Ненси Пелоси ја поздрави проектираната победа на демократите Џо Бајден и Камала Харис.
„Денеска се одбележува зората на новиот ден на надеж за Америка. Рекордни 75 милиони Американци гласаа за да го изберат Џо Бајден за претседател на САД – историска победа што им дава на демократите мандатот за акција“, се вели во изјавата на Пелоси.
Пелоси исто така реагираше на Твитер, велејќи дека „време е за заздравување“.
„Ја сочувавме републиката! Честитки за Џо Бајден за победата за душата на нашата земја. Честитки за Камала Харис за историјата. Време е да ги залечиме раните и време да растеме заедно. E Pluribus Unum“ (од многу – едно).