Претседателката на Претставничкиот дом на САД, Ненси Пелоси го покани американскиот претседател Џо Бајден за првпат да се обрати на заедничка седница на двата дома на 28 април.
Пелоси го покани шефот на државата „да ги сподели своите ставови за справување со предизвиците и можностите на овој историски момент“.
Речиси е сигурно дека говорот ќе се разликува од традиционалната заедничка седница на двата дома на Конгресот поради пандемијата на коронавирусот, јавија американски медиуми.
Во февруари, Пелоси најави дека ќе го покани Бајден да одржи говор откако Конгресот го усвои неговиот план за помош на економијата во корона-кризата од 1,9 трилиони американски долари. Претседателот го потпиша законот на 11 март.