Иако сè уште многу заостанува по бројот на следбеници на Твитер, папата го урна рекордот на Џастин Бибер во ретвитање. Досега рекордот според бројот на ретвитови на еден твит го држеше канадската поп-сензација Бибер, чиј еден од најпопуларните твитови, оној за смртта на шестгодишниот фан што почина од рак, натаму го проследија 300.000 фанови.
Бибер има 31,7 милиони следбеници на Твитер, а папата 2,1 милиона, но неговиот прв твит натаму го проследија веќе еден милион луѓе. Инаку, папата твита на осум јазици – арапски, англиски, француски, германски, полски, португалски, шпански и италијански, а се воведува и латински и кинески.