Папата Лав XIII тргнува на своето прво патување во странство – да ги посети Турција и Либан.
Првата станица од патувањето на Папата, на 27 ноември, ќе биде Турција, каде што Папата ќе ја одбележи 1700-годишнината од Никејскиот собор и ќе се помоли со Вселенскиот патријарх Вартоломеј во Изник, потпишувајќи заедничка декларација, објави АП.
Посетата на Турција има и дипломатско значење во зајакнувањето на односите меѓу католичката и православната црква, истакнува агенцијата. Во Либан, Папата ќе им даде поддршка на локалната христијанска заедница и на сите Либанци погодени од експлозијата во пристаништето Бејрут во 2020 година. За време на посетата, планирана е молитва на местото на експлозијата и средби со млади луѓе.
Папата Лав, како што е најавено, ќе ги одржи своите говори на англиски јазик во Турција, а на англиски и француски јазик во Либан.
Безбедноста на Папата ќе биде високо обезбедена и тој нема да го посети јужен Либан, кој е погоден од судирите со Хезболах.
Се очекува Папата да одржи прес-конференција во авионот по враќањето во Рим на 2 декември.
Патувањето ќе трае од 27 ноември до 2 декември и ќе вклучува дипломатски средби со локални и регионални лидери.