Во Ватикан вчера се случи преседан, откако група американски католици хомосексуалци и лезбејки, со сите почести беа примени кај поглаварот на Римокатоличката црква, папа Франсис.
И покрај тоа што се сместени во делот кој што е резервиран за ВИП гости, на листата за покани на Ватикан скромно се наведени како „група лици во придружба на чесни сестри“, а не како претстсвници на организацијата „New Ways Ministry”.
Како што пренесе „Асошиејтед прес„ тие не биле ни гласно најавени, како што е обичај, кога свештеникот ги читал имињата на гостите, едноставно го прескокнал името на нивната организација, а не ги споменал ниту папата.
– Ова е знак за промена под влијание на папа Франсис – изјави сестра Џенин Гремик, која што е сооснивач на организацијата, која ги организира католиците хомосексуалци и која се бори за заштита на правата на ЛГБТ популацијата.
-Папа Франсис ми дава надеж. Ова покажува дека има можност да ги прими назад во средиштето на црквата оние кои се наоѓаат на нејзиниот раб- изјави таа за „Асошиејтед прес“.
Инаку неколку месеци по изборот, папа Франсис рече дека не може да им суди на хомосексуалците кои имаат добра волја и кои го бараат Господ.
Е. Г.