Отсечен прст e испратен до резиденцијата на францускиот претседател Емануел Макрон, објави весникот „Валеурс акуелес“, цитирајќи извор од безбедносните сили.
Вознемирувачкиот пакет бил примен во Елисејската палата помеѓу 9 и 10 јули, рекол изворот, додавајќи дека човечкиот додаток го пронашла полицијата.
Пакетот наводно пристигнал во пресрет на Денот на Бастилја, францускиот национален празник кој се слави на 14 јули. Според пријавата, лицето кое го испратило прстот по пошта е идентификувано.
„Ова веднаш ги активираше соодветните процедури за случаи кои вклучуваат вознемиреност, така што засегнатите лица можат да контактираат со соодветните служби и да подлежат на медицинска проценка“, рече изворот.
Канцеларијата на Макрон одби да коментира за ова прашање, извести „Валеурс акуелес“.
Во 2021 година, шпанските власти пресретнаа коверти со заканувачки писма и куршуми испратени до неколку политичари и функционери. Во 2022 година, шпанската полиција уапси 74-годишен маж како дел од истрагата за писма-бомби испратени до различни институции, вклучително и Министерството за одбрана на земјата.
Минатата година Украина објави дека нејзините амбасади во Европа добиле „крвави“ пакети со животински очи.