Панцери се согласи на соработка со Обвинителството на Белгија

Од:

Поранешниот европратеник Антонио Панцери се договори со обвинителите и ќе сведочи против другите обвинети во истрагата за корупција во Европскиот парламент, позната како Катаргејт, објавија медиумите во Белгија, каде што се води истрагата.

Панцери призна дека му префрлил 120.000 евра на белгискиот европратеник Марк Тарабела. Претседателката на ЕП, Роберта Мецола вчера објави дека белгиските власти побарале имунитет за Тарабела и неговата колешка Андреа Козолино. Одлуката за тоа барање се очекува во февруари.

Според договорот за признавање вина, Панцери се очекува да добие помалку од минималната казна доколку биде осуден. Додека Обвинителството ќе остане на барањето тој да биде казнет со ефективна затворска казна, како и со одземање на милион евра и парична казна.

Панцери вети дека ќе даде искрено, целосно и значајно сведочење. Тој беше приведен на 9 декември минатата година и обвинет дека е шеф на криминална група која ги промовирала интересите на Мароко и Катар во ЕП. Во случајот беа приведени и заменик-претседателката на Европскиот парламент, Ева Каили и нејзиниот партнер.

Извор: МИА

Би можело да ве интересира

Белгија ќе го покрене прашањето за санкции против Израел во ЕУ

Белгија протера руски дипломати

Горан Наумовски

Уапсени четири лица во Брисел: Планирале напад на концертната сала

(ВИДЕО) Хаос во Брисел: Земјоделците палат гуми и фрлаат измет кон полицијата

Стотици фармери ги блокираа патиштата околу белгиското пристаниште Антверпен-Бриж

20-метарска елка падна врз луѓе во Белгија, умре жена

Катерина Ѓуровски