Кристијан Наје, 60-годишен пациент раскажа за весникот Voix de Nord дека возачот кој го возел на преглед во Лил имал срцев удар.
Пациент, во доцен стадиум на карцином, го спасил животот на возачот на амбулантното возило кој добил срцев удар, и преземајќи го воланот на итната помош го однел во болница, јавија француските медиуми.
– Му реков: дај ми ги клучевите, верувај ми. Мојот живот не е во опасност, но твојот е, раскажа Наје. Исто така, во текот на возењето на возачот успеал да му даде средство против згрутчување на крвта. Единствно не можел да ја пронајде сирената, но ги запалилл ротирачките светла.
Според зборовите на Фредерик Алине, болничар на итното одделение на болницата во Ленс, да не бил Наје, возачот најверојатно ќе умрел. Самиот Наје потоа е префрлен во болницата во Лил на договорениот преглед.