Откриени се детали од средбата на Путин и Виткоф која траеше три часа зад затворени врати

Од:

Рускиот претседател Владимир Путин и специјалниот претставник на американскиот претседател Трамп, Стив Виткоф, денес разговараа три часа во Кремљ, а според помошникот на Путин, Јуриј Ушаков, главна тема била украинската криза.

„Ако зборуваме за теми, тогаш, пред сè, секако, тоа е украинската криза. А втората тема се перспективите за можен развој на стратешка соработка меѓу САД и Русија“, рече Ушаков.

Според него, Путин испратил одредени сигнали до САД во врска со украинското прашање. Како што наведе, соодветни сигнали биле добиени и од претседателот Трамп.

Ушаков рече дека разговорот бил корисен и конструктивен.

„Ситуацијата сега е таква што нашиот претседател има целосни информации, односно наши сигнали, сигнали од претседателот Трамп. А Трамп сè уште не е информиран за резултатите од овој состанок. Затоа, би се воздржал од давање подетални коментари. Ќе видиме кога Виткоф ќе може да го информира Трамп за разговорот што се одржа денес. После тоа, очигледно, ќе можеме да ги дополниме моите сегашни коментари со нешто посуштинско“, додаде Ушаков.

Би можело да ве интересира

Оружен инцидент во американска воена база, има жртви: Во тек е потрагата по напаѓачот, блиските училишта се затворени

Горан Наумовски

Рубио за санкциите против Русија: Очекуваме соопштение денес, вестите би можеле да бидат позитивни

Горан Наумовски

ВИДЕО: Путин се сретна во Виткоф, ултиматумат на Трамп пред пропаст

Катерина Ѓуровски

Путин нема да попушти пред ултиматумот на Трамп

Медведев: Нашите предупредувања беа игнорирани, очекувајте понатамошни чекори

Американскиот министер за транспорт најави изградба на нуклеарен реактор на Месечината