Судијката во Флорида го отфрли кривичното дело против Доналд Трамп за незаконско поседување доверливи документи. Окружната судијка на САД Ејлин Канон, номинирана од Трамп, одлучи дека специјалниот обвинител Џек Смит, кој го води обвинителството, е незаконски назначен на неговата позиција и нема овластување да го покрене случајот.
Кенон заклучи дека Смит го прекршил уставот. Станува збор за добро познат случај во кој на имотот на Трамп во Мар-а-Лаго биле пронајдени доверливи документи, а голем дел од документите биле во неговата бања, пишува CNN.
Обвинението на Џек Смит
Трамп беше обвинет во јуни 2023 година за земање доверливи документи за национална одбрана од Белата куќа, откако тој ја напушти претседателската функција во 2021 година. Трамп и неговиот помошник Волт Наута се изјаснија дека не се виновни. Последователно, на 27 јули 2023 година, Смит го обвини Трамп по три нови точки, вклучително и една за намерно задржување информации за националната одбрана.
Наута беше обвинет и по две нови точки од обвинението. Смит воведе третообвинет, Карлос де Оливеира, во случајот, кого го обвини по четири точки.
Кенон за време на нејзиното отфрлање на обвинението рече дека позицијата на специјалниот обвинител „ефективно узурпира важна законодавна моќ на Конгресот“ давајќи ѝ на извршната власт, особено на Министерството за правда, овластување да назначи функционер како Смит.
Таа заклучи дека усвојувањето на функцијата специјален обвинител му овозможува на секој државен обвинител, без вклучување на Конгресот, да ги заобиколи законите и да назначи специјални советници кои ќе имаат огромно овластување на државниот обвинител на САД.
Судијката неодамна го одложи судењето за доверливите документи на неодредено време, велејќи дека има неодговорени прашања за доказите од судењето. Смит може да се жали на оваа пресуда и да побара нов судија.