Францускиот претседател Франсоа Оланд соопшти дека е ослободен последниот француски заложник на Ал Каеда, Серж Лазаревиќ, јави дописникот на МИА од Париз.
Лазаревиќ, на возраст од 50 години, беше грабнат во Мали во 2011 година од страна на припадници на грипата Ал Каеда во исламскиот Магреб (АКМИ), заедно со Филип Вердон, кој беше пронајден застрелан со куршум во главата во јули 2013 година. Серж Лазаревиќ е со двојно државјанство француско и српско.
АКМИ во средината на ноември објави видео снимка на која беше идентификуван Серж Лазаревиќ и на која поктрај него се гледаше и вториот заложник во рацете на АКМИ, Холанѓанецот Сјаак Ријке.
Засега нема детали околу ослободување на Лазаревиќ.