Либискиот премиер Али Зејдан е ослободен, откако беше уапсен на неколку часа од група поранешни бунтовници, објави либискиот министер за надворешни работи Мохамед Абделазиз.
– Зејдан е ослободен, но се уште немаме детали за околностите околу неговото ослободување, истакна министерот.
Одделот за борба против криминалот при Министерството за внатрешни работи на Либија денеска соопшти дека премиерот Али Зејдан е приведен од групата Оперативен штаб на либиските револуционери во хотелот „Коринтија“, каде се наоѓа неговиот кабинет.