Орбан: Унгарија има добри шанси да постигне договор со Вашингтон

Од:

Унгарија и САД ќе договорат пакет економска соработка што ќе и помогне на унгарската економија и ќе ги ублажи последиците од можните царини на САД против Европската Унија, изјави унгарскиот премиер Виктор Орбан.

Орбан, долгогодишен поддржувач на американскиот претседател Доналд Трамп, изјави дека економскиот пакет ќе го продлабочи веќе постоечкиот политички сојуз меѓу Унгарија и САД.

Унгарскиот премиер истакна дека таков договор ќе и помогне на Унгарија дури и ако избие трговска војна меѓу САД и Европската Унија.

Американскиот претседател Доналд Трамп минатата недела објави дека неговата администрација наскоро ќе објави воведување тарифи од 25 отсто за производите од Европската Унија.

„Унгарија ќе претрпи загуби (во трговската војна), исто како и сите земји-членки на Европската Унија. Сè уште не знаеме колкави ќе бидат овие загуби, но сигурно е дека ќе има такви“, рече Орбан.

Тој додаде дека Унгарија има добри шанси да постигне договор со Вашингтон и дека пакетот мора да може да ги ограничи или целосно да ги неутрализира ефектите од евентуална трговска војна.

– Унгарските власти веќе преговараат за обновување на даночниот договор на двете земји, кој беше раскинат од претходната американска администрација, рече Орбан.

Другите делови од договорот ќе и помогнат на Унгарија „да ги надомести загубите предизвикани од американските царини наметнати на Европа и да обезбеди компензација, и во монетарна и во реална економска смисла“.

Директната трговска изложеност на Централна и Источна Европа кон САД е ограничена.

Би можело да ве интересира

Харвард ја тужи администрацијата на Трамп поради забраната за запишување на странски студенти

ЕУ му се заканува на Трамп поради царините: Ќе ја употребиме „базуката“, нашето најмоќно оружје

Трамп ѝ се закани на Европската Унија со царини од 50 отсто

Горан Наумовски

„Ако Путин ја проголта Украина, следни се Полска и Балканот“

Трамп му забрани на Харвард да прима странски студенти

Гренланд му зададе удар на Трамп, потпиша договор за минерали со Европа