Унгарскиот премиер Виктор Орбан денес изјави дека полицијата наредила зголемен надзор на главните транспортни центри, вклучувајќи го и аеродромот во Будимпешта, поради војната меѓу Израел и Иран.
„Јавноста се повикува да пријави каква било необична активност или вонредни настани во полицијата“, напиша Орбан на Фејсбук.
Американскиот претседател Доналд Трамп рано утрово објави дека е постигнат договор за прекин на огнот и дека војната меѓу Израел и Иран е завршена, но оттогаш двете страни испукаа повеќе ракети.