Просечно по две деца се дават секојдневно од септември минатата година при обид на нивните семејства да го преминат Средоземно Море, предупредија денеска УНХЦР, УНИЦЕФ и Меѓународната организација за миграција (ИОМ).
Во заедничко соопштение на трите организации се апелира за зголемување на безбедноста за оние лица кои бегаат од конфликтот.
Како што се наведува, од септември кога трагичната смрт на момчето Ајлан Курди го потресе светот, во источниот дел на Медитеранот се удавиле повеќе од 340 деца, а вкупниот број на настраданите деца би можел да биде поголем бидејќи нивните тела никогаш не се пронајдени, напоменуваат агенциите.
– Не можеме да ги игнорираме трагедиите на толку загубени невини млади животи – изјави извршниот директор на УНИЦЕФ, Ентони Лејк.