Обединетите нации денеска соопштија дека 41 меѓународен донатор ветиле 2,44 милијарди долари хуманитарна помош за Авганистан, што е помалку од целта од 4,4 милијарди долари.
Ветувањата, за кои Светската организација рече дека се надева оти ќе бидат реализирани што е можно поскоро, беа дадени на виртуелна конференција на која домаќини беа Велика Британија, Германија и Катар.
Европската Комисија претходно се заложи да даде нови 113 милиони евра хуманитарна помош за Авганистанците, вклучително и раселените лица.
Заложбата во име на Европската Комисија ја даде комесарот за хуманитарна помош, Јанез Ленарчич за време на Конференцијата за Авганистан.
Средствата се наменети за медицинска нега, исхрана, образование, засолниште и заштита на цивилите.
Од овие 113 милиони евра 18 милиони одат за Пакистан и Иран кои примаат бегалци од Авганистан.
Извор: МИА