Сириската опозиција нема ништо заедничко со екстремистите, изјави францускиот претседател Франсоа Оланд по средбата во Париз со новиот лидер на опозициската Сириска национална коалиција Ахмад Џарба.
– Сириската опозиција се бори против режимот на Башар Асад и нема ништо заедничко со екстремистите кои ја злоупотребуваат ситуацијата за свои цели, изјави Оланд.
Тој изрази уверување дека Франција ќе продолжи да ги поддржува опозициските сили и истакна дека за Париз Сириската национална коалиција, е „единствен легитимен претставник на сирискиот народ“.
Оланд додаде дека Франција останува на позицијата да не се меша со воени средства во сирискиот конфликт.