Францускиот претседател Франсоа Оланд веднаш по соопштувањето на резултатите од сојузните избори во Германија и честита на германската канцеларка Ангела Меркел за нејзината изборна победа, јави дописникот на МИА од Париз.
Во синоќешниот телефонски разговор, како што стои во соопштението на Елисејската палата, Оланд и Меркел ја изразиле нивната определба „да продолжат да работата неуморно на приближувањето на Франција и Германија и да ја продолжат тесната соработка за да ги надминат новите предизвици на европската изградба“.
При тоа, францускиот претседател ја поканил германската канцеларка да го посети Париз веднаш по составувањето на новата влада за да ги подготват заеднички прашањата кои се поставуваат пред нив, се додава во соопштението.