Автобуси и возила на брза помош, во кои се наоѓаат околу 450 евакуирани борци и цивили од две подрачја кои се под опсада во Сирија, влегле во Турција и во Либан, наведоа неименувани извори од граничните премини.
Под покровителство на договорот на ОН, со кој се согласија завојуваните страни, повеќе од 125 борци од градот под опсада Забадани, во близина на границата со Либија, се на пат кон аеродромот во Бејрут, за да се качат на летот за Турција, пренесуваат сириските медиуми.
Истовремено, околу 330 цивили и повредени борци, кои се заробени во две провладини шиитски села во северозападна Сирија, се упатиле кон турскиот град Хатај за да се качат во авион за Бејрут, наведоа хуманитарните работници.