Русија ќе продолжи да ја поддржува Србија во одбраната на нејзините легитимни права, суверенитет и територијален интегритет. Ова го изјави директорот на четвртиот европски оддел на Министерството за надворешни работи на Русија Јуриј Филипсон.
Тој за РИА Новости изјави дека секоја одлука за Косово треба да биде прифатлива за Србите и одобрена од Советот за безбедност на ОН.
– Западот, во својот омилен циничен стил, селективно го третира меѓународното право, обидувајќи се со сите сили да го замени тој основен документ со еднострани шеми кои не ги земаат предвид темелните интереси на српскиот народ и го принудуваат да ја прифати „државноста“ на провинцијата – рече Филипсон.