Исламската револуционерна гарда лансираше голем број балистички ракети кон Израел од своите силоси и транспортни возила како одмазда за воздушната кампања спроведена од израелските воздухопловни сили пред повеќе од 20 часа.
Footage showing multiple missile intercepts alongside a ballistic missile impact earlier in Downtown Tel-Aviv, close to an air-defense battery as well as the Headquarters for the Israel Defense Force. pic.twitter.com/9d050GWM4l
— OSINTdefender (@sentdefender) June 13, 2025
Израелската армија објави тревога за воздушен напад за целата земја, наведувајќи дека Иран лансирал балистички ракети кон нивна територија.
Според ирански извори, повеќе од 100 балистички ракети биле лансирани кон Израел, со што официјален Техеран одлучи да одговори на израелските воздушни напади.
Видеата од првото пресретнување на балистички ракети од страна на израелската одбрана се споделуваат на социјалните мрежи, додека попрецизни податоци се очекуваат по првиот бран напади.
Телевизијата Канал 13 известува за пожар во близина на седиштето на израелското Министерство за одбрана во Тел Авив, додека Израел Хајом известува дека ракети паднале на седум различни локации во централниот дел од земјата.
Иран испали „стотици различни балистички ракети“ кон Израел, во она што Техеран го опишува како почеток на својата „разорна одмазда“ за израелските напади.
„Пред неколку моменти, со лансирање на стотици различни балистички ракети кон окупираните територии, започна операцијата на решителен одговор на варварскиот напад на ционистичкиот режим“, објави официјалната иранска новинска агенција ИРНА.
Израелските воздухопловни сили ги повикуваат граѓаните да останат во засолништа поради можноста некои од иранските ракети да ја пробијат антибалистичката одбрана, при што го потврдија нападот.