Италијански официјални лица соопштија дека утрово во Рим пристигнале две хуманитарки кои се ослободени во Сирија.
Министерот за надворешни работи, Паоло Ѓентилони ги пречекал 21-годишната Грета Рамели и Ванеса Маркуло (20) на воениот аеродром Кампино, кој се наоѓа во близина на Рим, пренесе „Франс прес“.
Според наводите веднаш се префрлени во болница на контролен преглед, а потоа во канцеларијата на римското противтерористичко обвинителство, кое отвори истрага за нивното киднапирање.
Двете Италијанки исчезнаа во Сирија на 31-ви јули минатата година, а на почеток оваа година беше објавен видео запис на кој ја молат италијанската влада да им помогне да се вратат или ќе бидат убиени.
Министерството за надворешни работи вчера соопшти дека нивното ослободување е резултат на интензивна работа, но не изнесе детали за тоа како се ослободени овие две хуманитарки.
Е. Г.