Во рамките на програмата за релокација на 1.600 деца бегалци без придружба од Грција во некоја од земјите од Европската Унија, од Атина за Белгија заминаа 18 деца кои досега беа сместени во прифатните центри на грчките острови.
Алтернативниот министер за цивилна заштита на Грција Јоргос Кумуцакос рече дека конкретната програма се спроведува постепено и покрај пандемијата, а заблагодарувајќи ѝ се на белгиската Влада истакна дека приемот на 18-те деца бегалци без придружба е практичен доказ на европската солидарност.
Амбасадорот на Белгија во Грција Фансоа Густин рече дека белгиската Влада на 8 мај се обврза да ги прими децата, а три месеци подоцна тие се веќе во Белгија.