По крвавиот терористички напад во Москва, се обрати и претседателот на Русија, Владимир Путин.
Тој во своето обраќање вели дека секој кој е вмешан во нападот ќе плати, но и дека во цела држава се воведуваат антитерористички мерки, за да се спречат слични напади.
Путин го нарече нападот во Крокус варварски чин.
– Како нацисти, замислиле да извршат демонстративно погубување. Сите извршители, нарачатели и соучесници ќе сносат казна. Ќе го казниме секој кој застана над терористите и го подготви овој удар врз нашите земја и народ – рече тој.
Тој изрази благодарност за спасувачките екипи, но и сочувство до семејствата на загинатите. Притоа, потврди дека на терористите им бил подготвен „прозорец“ за бегство во Украина.
– Истражните и агенциите за спроведување на законот работат на утврдување на деталите за нападот – рече Путин и додаде дека секој кој е вмешан ќе сноси и соодветна казна.