На 23 години затвор е осудена 27-годишната жена од Велика Британија која ги украсила ѕидовите на својата куќа со слики од сериски убијци и го избодела своето момче до смрт. Шеј Гроувс денеска беше осуден на судот во Винчестер бидејќи во јули минатата година му го пресекол грлото на Френки Фицџералд (25), а потоа го прободел 17 пати во градите.
Во текот на судењето, Гроувс тврдеше дека таа била жртвата и дека дејствувала во самоодбрана. Но, подоцна се дозна дека таа го измислила своето алиби и дека користела совети од криминалистички документарни емисии базирани на вистински настани, пишува The Guardian.
Гроувс рече дека таа и Фицџералд практикувале поврзување за време на секс и дека поставиле камера во нејзината спална соба во нивниот дом во Хемпшир за да можат да се снимаат за време на сексот. Обвинителите изјавија дека таа не го убила дечкото во самоодбрана, туку откако открила дека тој преку Фејсбук и праќал пораки на девојка која тврдела дека има 13 години.
„Не забележавте дека Френки ја блокираше веднаш штом рече дека има 13. Всушност, таа имаше 17 години“, рече судијата Џастис Кер.
За време на судењето, Гроувс им кажа на поротниците дека Фицџералд ја фатил за врат за време на расправијата, оставајќи ја неспособна да дише или да вреска. Таа додаде дека случајно го прободела во вратот, а потоа му го зарила ножот во срцето за да го замолчи.
Обвинетата толку многу сакала да гледа криминални шоуа што на ѕидот од нејзината спална соба врамила портрети на озлогласените сериски убијци, вклучувајќи ги Тед Банди и Џефри Дамер.
“Кога ме фати за вратот, не можев да дишам. Имаше чуден поглед. Сфатив дека нема да ме пушти, се плашев за мојот живот. Сакав да грабнам кутија од полицата и да го удрам , но случајно го дофатив ножот“, изјавил Гроувс на судот, пренесува Дејли Мејл.
Обдукцијата покажала дека Фицџералд имал 20 убодни рани, од кои три на вратот и 17 во градниот кош.