Руски сили утринава истрелаа седум проектили врз украинскиот град Запорожје. Ракетите, изјави гувернерот на Запорожје, Олександр Старук, погодиле станбени згради.
Во нападот загинаа две жени, а најмалку пет лица се уште се под урнатините. Нападот се случил во раните утрински часови, пред зори.
„Многу луѓе беа спасени, вклучително и тригодишно девојче, кое е хоспитализирано. Спасувачката операција се уште е во тек“, објави Старук на својот канал Телеграм.
Градоначалникот на Запорожје, Анатолиј Куртев, во посебна објава на Телеграм напиша дека осум лица се хоспитализирани.
Запорожје, да потсетиме, е главен град на истоимениот регион, за кој Русија тврди дека го припоила.