Претседателот на либискиот Парламент Мохамед ел-Магариф изјави во интервју за либиската државна телевизија дека непозната група напаѓачи се обидела да изврши атентат врз него додека престојувал во посета на градот Себха пред два дена.
Тој истакна дека групата отворила оган врз хотелот во кој престојувал и неговото обезбедување било приморано да одговори на нападот.
Во престрелката биле повредени тројца припадници на обезбедување на Магариф, а истрагата за обидот за атентат е во тек.
Градот Себха бил упориште на последните судири меѓу провладините сили и оние кои му биле лојални на претходниот режим.