Американскиот претседател Барак Обама гo искористи правото порано да излезе на избори и и денеска попладне гласаше во родниот град, Чикаго.
Во Америка, претседателските избори се одржуваат на 6. ноември во вторник, меѓутоа гласачите можат и порано да гласаат во повеќето сојузни држави , со оглед дека изборите се одржуваат во работен ден.
Обама пристигна сам на избирачкото место, и откако изборната комисија со увид во неговата возачка дозвола утврди дека се работи за американскиот претседател му даде и гласачки материјал.
Кандидатот на демократите дури и се пошегува со членовите на комисијата дека сеуште вози автомобил но пред тревникот на Белата куќа, и дека не може да вози повеќе од 40 километри на час.
„Не можам да ви кажам за кого гласав“, рече Обама по гласањето пред новинарите.
Ова е прв пат некој претседател на САД да го искористи правото порано да гласа, а аналитичарите потегот го толкуваат како повик до неговите поддржувачи масовно да излезат на изборите.