„Ние нема да бидеме товар“, рече новиот либиски претседател Мохамед ал – Мегарјеф, откако изрази жалење поради нападот на екстремистите на амбасадата во Бенгази, за време на првата средба со американскиот државен секретар Хилари Клинтон.
Либискиот претседател и Клинтон се сретнаа на Генералното собрание на ОН, што се одржува околу недела дена откако во неколку муслимански земји еруптираа насилни протести поради анти-исламскиот филм, снимен во Америка.
Убиството на американскиот амбасадор во Либија, Крис Стивенс, заедно со тројца други членови на дипломатскиот персонал за Мегарјеф не е случај кој го преставува односот на либискиот народ кон американскиот народ.
Клинтон се заблагодари на либискиот претседател и неговата влада за напорите кои тие ги направиле за да бидат изведени сторителите на злосторот пред лицето на правдата и истакна дека САД ќе продолжи да ја поддржува Либија во демократскиот пат.