Најмалку еден војник е убиен во синоќешните судири во источнолибискиот град Бенгази. Судирите се случиле во западниот дел на градот меѓу воружени групи и специјалните единици на војската, неколку часа по експлозијата, чија цел била зграда на судот.
– Судирот избил меѓу специјалните единици и непознати вооружени групи, изјави портпаролот за безбедносни операции во Бенгази, Мохамед ал Хијази.
Тој истакна дека еден војник е убиен и оти специјалните единици ја вратиле контролата.
Бенгази, седиште на бунтот против поранешниот либиски лидер Моамер Гадафи, изминатите три дена се соочува со експлозии, убиства, насилни протести и масовни бегства од затворите.
Насилството и беззаконието, во кои често пати се вмешани поранешните бунтовнички групи, го отежнува управувањето со овој дел од земјата, кој е богат со нафта.
Во вчерашната експлозија на бомба пред судот, загинаа 43 лица.