Новата Влада на Италија утре ќе положи заклетва

Од:

Италијанскиот премиер Џузепе Конте формираше нова Влада, коалиција меѓу Движењето 5 ѕвезди и Демократската партија од левиот центар, која утре во 10 часот ќе положи заклетва, соопшти денеска Претседателската палата.

Шест дена откако италијанскиот претседател Серџо Матерла му го довери мандатот на Конте да формира нова коалиција, тој денеска го извести шефот на државата дека успеал да го стори тоа.

Конте ги претстави членовите на својот нов кабинет во кој проевропеецот и европратеник на Демократската партија Роберто Гвалтиери ќе ја заземе функцијата министер за економија и финансии. Лидерот на Движењето 5 ѕвезди, Луиџи ди Мајо ќе биде иден шеф на дипломатијата, додека нова министерка за внатрешни работи е Лучана Ламоргесе. Министерството за одбрана му е доверено на уште еден истакнат член на Демократската партија, Лоренцо Герини.

Церемонијата на инаугурација на новата влада ќе се одржи утре во 10 часот во палатата Квиринале, седиште на италијанскиот претседател.

Во новата Влада нема претставници од партијата Лига на десничарскиот лидер Матео Салвини, кои беа во претходната коалиција.

Првата 14-месечна Влада на Конте се распадна минатиот месец кога Салвини ја повлече својата антиимигранска партија Лига од коалицијата во неуспешниот обид да издејствува предвремени избори за да стане премиер.

Би можело да ве интересира

Да се почитуваат препораките за заштита од коронавирусот, се чека лабораторискиот резултат за возачот на комбето

Владата бара казни доколку има покачување на цените и злоупотреба на залихите на заштитните средства за коронавирусот

Предраг Петровиќ

Расте бројот на заразени и починати од Ковид-19 во Италија

А1он

Продажбата во маркетите во северна Италија се зголеми за 73 проценти

А1он

Владата препорачува откажување на поголеми јавни собири до 6 март поради коронавирусот

Ана Ололовска

Спасовски-Клуге: Нашата држава примерно ги применува препораките на СЗО за коронавирусот

Ана Ололовска