На југозападниот дел на Исланд, во близина на градот Гриндавик, денеска започна нова вулканска ерупција, соопшти метеоролошката служба на таа земја, на чиј полуостров Рејкјанес има пет вулкански ерупции од 2021 година, објави исландскиот јавен сервис RUV.
Населението на Гриндавик од околу 4.000 луѓе претходно беше евакуирано поради значителна сеизмичка и магма активност, а цивилната одбрана го подигна нивото на опасност во областа на вонредна состојба.
Во близина на Гриндавик има и туристичка атракција, геотермалната бања Сина лагуна, каде што исто така е евакуиран хотелот, пренесува Танјуг.
Последната ерупција на полуостровот Рејкјанес започна на 18 декември минатата година во вулканскиот систем Сварценги, по целосната евакуација на Гриндавик и затворањето на Сината лагуна, наведува Ројтерс.
Гриндавик беше поштеден од штета за време на последната ерупција во декември, бидејќи лавата течеше во друга насока, заобиколувајќи го градот.