Aвиокомпанијаta „Јунајтед ерлајнс“ соопштила дека ќе ги стопира сите летови од и кон областа Њујорк, поради новата бура која му се приближува на регионот.
Оваа одлука се однесува на трите главни аеродроми во Њујорк – „ЏФК“, „Њуарк“ и „Ла Гвардија“.
„Ќе ги запреме летовите од Њујорк до четврток на полноќ поради прогнозите дека на областа и се наближува снежна бура“, изјави Чарлс Хобарт, портпарол на компанијата.
Градоначалникот на Њујорк, Мајкл Блумберг, изјавил дека денеска во градот ќе бидат затворени њујоршките паркови и плажи.
Парковите и плажите ќе бидат затворени најмалку 24 часа.
„Едноставно не ни треба таква ситуација, да треба да испраќаме спасувачки екипи во океанот, за да спасиме некој кој бил непремослен“, рече градоначалникот на Њујорк, Мајкл Блумберг.
Тој додаде, дека ќе се обидат да ги евакуираат жителите во пониските делови, кои според прогнозата, би требало да бидат погодени од бурата.
Минатата недела ураганот Сенди погоди 15 држави во САД, однесе најмалку 110 жртви и направи штета од десетина милијарди долари.