Најголемите поплави кои ја погодија Нигерија во последните 50 години, однесоа 363 животи од јули до денеска, а раселени се 2.1 милион луѓе.
Нигерија често ја погодуваат поплави по обилните тропски дождови, но овогодишниот биланс на жртвите и снимките од градовите под вода го шокираа светот.
Претседателот на Нигерија Гудлак Џонатан рече дека минатиот месец поплавите на југот на земјата, биле на ниво на национална катастрофа, но сепак нема да има недостаток на храна, пренесува Ројтерс.
Националната агенција за вонредни ситуации наведува дека од први јули до 31-ви октомври од поплавите се погодени 7.7 милиони луѓе, 363 го загубиле животот, а 18.282 лица се повредени.