Стотина летови се одложени во Флорида поради тропската бура „Исак“. Во исто време југот на Калифорнија го погоди земјотрес со јачина од 5.4 степени по Рихтер.
На југот на Флорида паѓа дожд и дува силен ветер, а според изјавите на стручните лица од Националниот американски центар за следење на ураганите, „Исак“ за неколку дена би можел да достигне сила на ураган.
„Исак“ досега на Карибите однесе девет животи. Без струја на Флорида, останаа близу 10 илјади луѓе, додека на меѓународниот аеродром во Мајами откажани се 550 полетувања.
Бурата достигнува брзина од 95 километри на час во епиценатарот и се движи кон северозапад.
Во целата северна област на Мексиканскиот залив запрени се работите на платформите за нафта и гас и е издадено предупредување за ураган.
Мали или умерени земјотреси ја погодија областа од Сан Диего и Округот Оринџ во Калифорнија, на исток до Аризона.