Израелскиот премиер Бенјамин Нетанјаху изјави дека им наредил на Израелските одбранбени сили да ги интензивираат нападите или „да го притиснат гасот уште посилно“ во операциите против либанското милитантно движење Хезболах.
Нетанјаху во видео обраќање рече дека Израел е во војна со Хезболах и дека израелските сили елиминирале повеќе од 600 членови на групата во последните недели, објави „Тајмс оф Израел“.
– Ние сме во војна со Хезболах. Само во последните недели, нашите храбри борци елиминираа повеќе од 600 терористи, рече Нетанјаху.