Израелскиот премиер, Бенјамин Нетанјаху ги обвини палестинските исламисти од движењето Хамас за грабнување на тројца израелски тинејџери, пренесе „BBC“.
Момчињата исчезнаа во четврток во близина на израелска населба на Западниот брег, додека се враќале од училиште.
-Оние кои ги грабнаа нашите момчиња се од Хамас, рече Нетанјаху и покрај тоа што од Хамас негираат дека имаат врска со нивното исчезнување.
Тој укажа и на тоа дека палестиснкиот претседател, Махмуд Абас неодама најавил формирање на влада на национално единство, која би имала поддршка од Хамас.
Мировните преговори со Палестинците се прекинати, а израелската влада најави и дека нема да преговара со палестинската влада, зад која стои Хамас.
Израелската војска соопшти дека во потрага по тинејџерите уапсила 80 Палестинци.
Е. Г.