Израелскиот премиер Бенјамин Нетанјаху денеска уште еднаш ја отфрли опцијата палестинските власти да ја преземат контролата врз Појасот Газа, а во исто време ја истакна својата поддршка за планoт на американскиот претседател Доналд Трамп за иднината на крајбрежната енклава уништена од војната меѓу Израел и палестинското исламистичко движење Хамас, јави ДПА.
– Токму каков што е мојот став, ден по завршувањето на војната во Газа, таму нема да има ниту Хамас, ниту палестинска управа – рече Нетанјаху.
– Го поддржувам планот на американскиот претседател Трамп да создаде поинаква Газа – додаде израелскиот премиер.
Трамп предложи речиси два милиони жители на Појасот Газа да бидат раселени во соседните земји, а опустошените крајбрежни територии да станат „Ривиера на Блискиот исток“.
