За време на синоќешното невреме во Италија, загина тинејџерка која била во младински извиднички камп во алпската долина Вал Камоника во регионот на Ломбардија.
Раи њуз јавува дека жртвата, по потекло од градот Комо, имала 16 години.
Девојката починала кога дрво паднало на шаторот во кој спиела. Таа претходно поставила камп со други млади извидници на местото Палу на 1.400 метри надморска височина.
Во првите часови по полноќ областа била зафатена од невреме, придружено со силни налети на ветер.
Се вели дека по трагедијата овој камп на млади извидници бил распуштен, како и другиот лоциран во Вал Дорико.