Тешка сообраќајна несреќа се случи во германскиот град Динслакен, во која едно дете загина, додека друго е во критична состојба, откако автомобил ги удри во близина на училиште.
47-годишна жена изгубила контрола врз своето возило, скршнала од патот и удрила три 12-годишници кои возеле велосипеди, веројатно на пат кон училиште.
Две од децата се здобиле со животозагрозувачки повреди од силата на ударот, а едно од нив починало кратко време по однесувањето во болница. Третото дете се здобило со полесни повреди.
Според официјалните полициски податоци, несреќата се случила околу 7:45 часот. Откако ги удрила децата на велосипеди, жената со својот автомобил се удрила во паркирани возила, удирајќи во три автомобили и предизвикувајќи голема материјална штета. Жената, исто така, се здобила со тешки повреди и е однесена во болница со возило на брза помош.
