Мал авион се урна денес во станбена зграда во германската покраина Северна Рајна-Вестфалија, при што дел објектот беше во пожар, но официјалните лица сè уште не можеа да потврдат дали некој е повреден или загинат во несреќата, објавија денес германските медиуми.
Според првичните извештаи, авионот паднал во дворот пред зграда во градот Коршенбројх. Според „Билд“, авионот се обидел да слета во Менхенгладбах откако пилотот пријавил проблеми со моторот. Кратко потоа, леталото се урна.
Бројни полицајци, пожарникари и спасувачки служби се на местото на настанот, а околностите на несреќата сè уште не се јасни.