Британката Зое Батлер сакала на своите деца да им подготви козервирана туна за јадење, но кога ја отворила конзервата останала вџашена од необичното мало суштество што го видела во неа.
– Го отворив капакот на конзервата и видов нешто темно, како некој орган. Тогаш го допрев со вилушката и тоа се преврте и погледна дирекно во мене, изјави Батлер за весникот „Нотингем Пост“.
По несекојдневната „средба“ 28-годишната Батлер ја фрлила вилушката, се потргнала настрана и почнала да вриска. На врискот дотрчала дадилката на нејзините деца, по ште двете заедно утврдиле дека мистериозното суштество е мртво.
Батлер веднаш го фотографирала суштеството и фотографијата ја објавила на Твитер.
„Знаете ли што е ова? За малку тоа ќе им го дадев на моите деца да го јадат“, напиша Батлер под фотографијата.
Суштетсвото со бодликава опашка веднаш предизвика интерес на Твитер и расправа за неговото потекло. Некои претпоставуваат дека можеби тоа е некој непознат вид риба, други мислат дека е фетус на риба, трети дека е глава на желка, а имало и такви кои тврделе дека се работи за вонземско суштетство.