Неколку Израелци се ранети откако синоќа влегле во палестинскиот град Наблус на Западниот Брег и се нашле под оган, соопшти денеска израелската армија.
Израелците отишле во еврејското светилиште во градот, но не договориле посета со војската како што е вообичаено согласно строгите мерки за претпазливост.
Кога избила престрелката, војниците влегле во градот, кој е под контрола на палестинските власти и нивните безбедносни сили, за да ги евакуираат Израелците, се вели во военото соопштение.
На Израелците им е забрането да влегуваат во области под целосна палестинска контрола, иако некои сè уште го прават тоа, пренесе Бета.
Извор: МИА