Американскиот претседател Доналд Трамп се огласи откако канадската провинција Онтарио објави дека ќе им наплаќа на американските домаќинства 25 отсто повеќе за електрична енергија како одговор на американските царини.
„И покрај фактот што Канада наплаќа тарифи од 250% до 390% за многу од нашите земјоделски производи, Онтарио штотуку објави дополнителен надомест од 25% за електрична енергија, а тоа дури и не е дозволено да се направи.
Бидејќи тарифите се реципрочни, се ќе вратиме на 2 април. Канада е земја која ги злоупотребува царините и секогаш ги злоупотребувала, но САД веќе нема да ја субвенционираат Канада. Не ни требаат вашите автомобили, не ни требаат вашите дрва, не ни треба вашата енергија и ќе дознаете многу брзо. „АЈДЕ ДА ЈА НАПРАВИМЕ АМЕРИКАТА ПОВТОРНО ГОЛЕМА!!!, напиша Трамп на неговата социјална мрежа.
Минатата недела Трамп воведе царини од 25 отсто на увозот од Канада и Мексико, но потоа ги паузираше до 2 април. Тој тврди дека тарифите се одговор на неприфатливиот прилив на илегални дроги и недокументирани мигранти во САД од две соседни земји.