НАТО соопшти дека Русија со зголемување на бројот на своите војници во близина на украинската граница на 12.000, направи потег кој го попречува разрешувањето на кризата.
-Тоа не е чекор во права насока, туку потег кој одалечува од смирување на состојбата. Според наша проценка помеѓу 10.000 и 12.000 руски војници се наоѓаат покрај границата со Украина- изјави официјално лице на НАТО и додаде дека Алијансата уште еднаш ја повикува Русија да ги повлече своите трупи, да престане да дава поддршка на проруските сили и да го сопре дотурот на оружје.
Продлабочувањето на украинската криза ја потпомогна руската анексија на Крим во март, кога Русија распореди околу 40.000 војници на границата и ги игнорираше повиците на Запад да се повлече.
Рускиот претседател, Владимир Путин во мај најави крај на воените вежби во пограничната област и враќање на војниците во базите.
Е. Г.