Напаѓачот од Лас Вегас, долгогодишен професор, имал листа за отстрел

Од:

Ентони Полито, 67-годишниот напаѓач кој уби тројца професори од колеџ и рани колега на Универзитетот во Невада, Лас Вегас, имал список на цели и повеќе од 150 куршуми, соопшти полицијата.

Шерифот на округот Кларк, Кевин Мекмахил, рече дека Полито, кој беше убиен во престрелка со полицијата, бил долгогодишен професор по бизнис кој живеел во блискиот Хендерсон, Невада, објави АП.

– Ранетиот 38-годишен визитинг професор е хоспитализиран и е во крритична состојба, рече Мекмахил.

Шерифот на прес-конференција рече дека иследниците сè уште го истражуваат мотивот за нападот, но истакна дека Полито аплицирал за неколку работни места на различни колеџи и универзитети во Невада и секој пат бил одбиен.

Сепак, Универзитетот за медицински науки Роузман во Хендерсон рече дека Полито бил договорен да предава два курса во програмата за бизнис администрација од октомври 2018 до јуни 2022 година и потоа не предавал во институцијата.

Мекмахил рече дека целите на листата на Полито вклучуваат членови на факултет на Универзитетот во Источна Каролина во Северна Каролина, каде што Полито беше професор на бизнис школата на универзитетот од 2001 до 2017 година.

Полито го изврши нападот во средата со пиштол од девет милиметри што го купи легално минатата година, рече Мекмахил.

Властите во четвртокот објавија дека се чини дека Полито има финансиски потешкотии.

Би можело да ве интересира

(ВИДЕО) Исчезна петгодишно девојче на Флорида, полицијата ја пронајде во мочуриште

Најмалку едно лице загина, а неколку се повредени во престрелка во Орландо

Германската морнарица по грешка ќе собореше американски дрон во Црвено Море

Катерина Ѓуровски

Големи пожари во Тексас, пожарот зафати 500.000 хектари земја

Едно лице убиено со огнено оружје во близина на скопското село Блаце

Предраг Петровиќ

Објавена нова проценка на САД: На Украина и се заканува катастрофа до пролет