Украински дрон денеска го нападна седиштето на руската Федерална служба за безбедност во регионот на Белгород.
Британскиот Дејли Телеграф пренесува дека тоа го објави руската државна агенција Тасс.
Се известува дека во овој инцидент бил оштетен објектот, но дека нема жртви.
Украински беспилотни летала нападнаа цели во неколку руски федерални региони втора ноќ по ред.
Локалните власти објавија дека енергетските капацитети повторно биле мета, а најмалку една рафинерија за нафта била опожарена.
– Нафтената рафинерија во Рјазан е нападната со дрон. Како резултат на тоа, избувна пожар – изјави на Телеграм Павел Малков, гувернер на регионот Рјазан, кој на север се граничи со московската област.