Бомбаши-самоубијци на мотоцикли нападнаа денеска во истовреме две згради, меѓу кои националната полициска академија во престолнината на Чад, Нџамена. Загинаа најмалку десет лица.
Засега никој не ја презеде одговорноста за нападот во Нџамена, но сомневањата се дека извршител е Боко Харам.
Џихадистичката организација во соседна Нигерија веќе нападна неколку села во Чад во реонот на езерото, каде се наоѓа границата меѓу двете држави.
Чад беше меѓу главните воени сојузници во борбата со Боко Харам.