Четворица Палестинци загинаа, а 13 се повредени во судирите со израелската војска на границата со Појасот Газа, соопшти денеска палестинското Министерство за здравство.
Израелската армија соопшти дека околу 200 Палестинци тргнале кон војниците на границата, фрлале со камења и палеле автомобилски гуми, а израелските безбедносни сили отвориле оган со цел да ги запрат.
Тоа гранично подрачје воглавно беше мирно од минатогодишната војна меѓу Израел и Хамас. Неодамна неколку ракети од Појасот Газа беа истрелани врз Израел.
Лидерот на Хамас во Појасот Газа, Исмаил Ханија денеска ги пофали палестинските напади со нож ширум Израел.