Поплавите во Мозамбик, предизвикани од поројни дождови, однеле најмалку 55 животи, соопштија денеска ОН.
Поради водната стихија во северните и централните делови од земјата раселени се уште 19.000 луѓе, така што вкупниот број на раселените во последните две недели достигнал речиси 170.000 лица.
Владата на Мозамбик предупреди дека населението погодено од поплавите во јужниот дел на земјата се соочува со недостаток на храна, а многумина мораат да користат загадена вода, поради што има се повеќе случаи на стомачни заболувања и мачнини.
Цели села, градови и огромни површини обработливо земјиште се под вода, бидејќи за 12 дена наврнале 500 милиметри дожд, што е трипати повеќе од просечните месечни врнежи во овој период од годината.
ОН наведува дека за санирање на штетите од поплавите во оваа сиромашна африканска земја потребна е помош од 15 милиони долари.